,,Sumarið þegar setur blítt”

17. júlí kl. 14 2022

Margrét Hrafnsdóttir sópran
Stefán Ómar Jakobbon básúna
Mikael Máni Ásmundsson gítar og harmónikka

Tónlistarhátíðin Englar og menn stendur nú sem hæst í Strandarkirkju.

Á næstu tónleikum hátíðarinnar sunnudaginn 17. júlí nk. kl 14 kemur fram sópransöngkonan Margrét Hrafnsdóttir
ásamt Stefáni Ómari Jakobssyni sem leikur á básúnu og Mikael Mána Ásmundssyni sem leikur á gítar og harmónikku. Yfirskrift tónleikanna er ,,Sumarið þegar setur blítt" en efnisskránni eru íslensk þjóðlög og sálmar, lög eftir m.a. Ingibjörgu Azima og Jón Múla Árnason ásamt verkum eftir Kurt Weill og Ray Henderson.

Aðgangseyrir er kr. 3.500. Miðasala er við innganginn.
Tónlistarhátíðin er styrkt af Samtökum sunnlenskra sveitarfélaga og Tónlistarsjóði.

UM FLYTJENDUR:

Margrét Hrafnsdóttir, sópransöngkona lauk árið 1998 8. stigi hjá Sieglinde Kahmann frá Tónlistarskóla Reykjavíkur, en einnig 8. stigi á píanó hjá Selmu Guðmundsdóttur. Margrét lauk söngkennara- og einsöngvaradiplómi frá tónlistarháskólanum í Stuttgart undir handleiðslu Michiko Takanashi, Robert Hiller og Franzisco Araiza. Einnig lauk hún prófi frá ljóðadeild tónlistarháskólans hjá Cornelis Witthoefft.  Margrét hlaut styrk hjá Wagnerfélaginu í Stuttgart til að fara til Bayereuth og í framhaldi af því hélt hún einnig tónleika hjá Wagnerfélaginu. Hún hefur sótt fjölda námskeiða þar á meðal hjá Anne Sofie von Otter á uppvaxtarheimili Birgit Nilsson í Svíþjóð.

Margrét fór með hlutverk Freyju í Þrymskviðu eftir Jón Ágeirsson sem flutt var í Norðurljósum undir stjórn Gunnsteins Ólafssonar á haustdögum 2018. Hún átti að fara með hlutverk Ortlinde í uppfærslu Íslensku óperunnar og Sinfoníuhljómsveit Íslands á „Die Walküre“ eftir Richard Wagner á Listahátíð í febrúar 2022, sem því miður var aflýst.

Hún hefur haldið einsöngstónleika í Þýskalandi, Íslandi, Sviss, Danmörku og Svíþjóð. Hún hefur hlotið styrki úr tónlistarsjóði, 2020 hlaut hún þriggja mánaða listamannalaun og sex mánuði fyrir 2021. Margrét starfar sjálfstætt sem söngkona og söngkennari.

Árið 2007 gaf hún út ásamt Ólöfu Sigursveinsdóttur, sellóleikara geisladiskinn „Hjartahljóð“, íslensk þjóðlög. Einnig fengu þær styrk frá Hlaðvarpanum til ad láta semja fyrir sig verk, „Heimtur“, sem frumflutt var í Berlín 2011 eftir Ingibjörgu Azima. Árið 2015 kom út diskurinn „Vorljóð á Ýli“ með þeim lögum.

Gítarleikarinn Mikael Máni Ásmundsson lauk námi við einn virtasta tónlistarskóla í Evrópu Conservatorium van Amsterdam í júní 2018. Þar útskrifaðist hann með hæstu einkunn af gítarleikurum í sínum árgangi. Mikael lærði undir handleiðslu jazzgítarleikarans Jesse van Ruller sem er með þekktari og virtari jazzgítarleikurum Evrópu. Hann stundaði nám við FÍH þaðan sem hann útskrifaðist árið 2014, aðeins 18 ára gamall, undir leiðsögn Hilmars Jenssonar og Sigurðar Flosasonar. Hann er nú í fullu starfi sem tónlistarmaður og þiggur listamannalaun sem flytjandi og tónskáld í 6 mánuði. Á árinu 2021 gaf hann út plötuna Nostalgia Machine í samvinnu við einn virtasta pródúsent jazz heimsins Matt Pierson sem hefur unnið að plötum með Pat Metheny, Brad Mehldau, Joshua Redman og fleirum. Hann hélt útgáfutónleika í ágúst í Kaldalóni með 10 manna hljómsveit. Platan hefur fengið frábærar viðtökur og hefur meðal annars verið spiluð á BBC 6 og fengið umfjöllun í virtasta jazztímariti Bretlands Jazzwise. Lög Mikaels hafa einnig verið spiluð m.a. í þáttum BBC Radio 3 "Late Junction" og BBC Hereford & Worcester, Franska ríkisútvarpinu og tíu öðrum útvarpstöðvum í Bretlandi. Einnig hafa lögum hans verið streymt oftar en 1,000,000 sinnum á Spotify. Árið 2018 var frumraun Mikaels á sviði tónlistarútgáfu, platan "Beint heim" með dúettnum "Marína & Mikael", tilnefnd til Íslensku tónlistarverðlaunanna sem plata ársins í Jazz & blús. Í júní 2019 gaf hann út plötuna "Bobby" með tríói sínu en sú plata hlaut lof gagnrýnenda og var Mikael tilnefndur til Íslensku tónlistarverðlaunanna 2020 sem lagahöfundur ársins fyrir tónsmíðar sínar á þeirri plötu. Tríóið sem innihélt Skúla Sverrisson hélt útgáfutónleika í Kaldalóni í Hörpu í júní 2019 og komu þeir fram á Jazzhátíð Reykjavíkur í september 2019. Mikael gaf út tvær plötur á árinu 2020, plötunar Tendra og Sólstöður. Á íslensku tónlistarverðlaunum 2021 fékk hann tilnefningu í jazz/blús flokki sem tónhöfundar ársins í og fyrir lag ársins.

Stefán Ómar Jakobsson tónlistarmaður og básúnuleikari hefur starfað opinberlega við tónlist frá 1984. Hann stundaði nám við Tónlistarskólann í Reykjavík og lauk þaðan kennaranámi 1985 eftir það stundaði hann nám við Hochschule fur muzik und darstellende kunst í Graz í Austurríki og síðar við Berklee College of Music í Boston. Hann hefur leikið með Sinfóinlíuhljómsveit Íslands og Sinfóníuhljómsveit Norðurlands í ýmsum verkefnum og leikið í mörgum söngleikja- og óperuuppfærslum. Hann stjórnaði Lúðrasveit Hafnarfjarðar frá 1988-2004 og hefur verið fastur básúnuleikari í Stórsveit Reykjavíkur sl. tuttugu ár.

Stefán stofnaði hljómsveit sína Stebbi Ó swingsextett 2014 sem á undanförnum árum hefur leikið víða á höfuborgarsvæðinu sérstaklega fyrir Lindy-hop dansara. Hann hefur einnig stofnað smærri samspil eins og Jazztríó Stebba Ó með þeim Aroni Erni Óskarssyni á gítar og Jóni Rafnssyni á bassa. Nýjasta samspilsútgáfan er jazzdúó kontrabassi og básúna með Jóni Rafnssyni. Stefán Ómar gaf út ljóðabókina Dimmrúnir árið 2015 og er með skáldsöguna Huldureiti í smíðum. Frá árinu 1988 hefur Stefán Ómar kennt við Tónlistarskóla Hafnarfjarðar og frá 2016 verið aðstoðarskólastjóri við sama skóla.

,,Í fögrum dal”

10. júlí kl. 14 2022

Hallveig Rúnarsdóttir sópran
Þorbjörn Rúnarsson tenór
Hrönn Þráinsdóttir Píanó / orgel

Næstu tónleikar tónlistarhátíðarinnar Englar og menn í Strandarkirkju verða sunnudaginn 10. júlí nk. kl. 14. Á tónleikunum koma fram söngsystkinin Hallveig Rúnarsdóttir sópran og Þorbjörn Rúnarsson tenór ásamt Hrönn Þráinsdóttur píanóleikara.
Yfirskrift tónleikanna er ,,Í fögrum dal " en á efnisskrá þeirra eru íslensk sönglög og dúettar eftir Hildigunni Rúnarsdóttur, Árna Thorsteinsson, Sigfús Einarsson, Jón Nordal, Karl O. Runólfsson og Jóhann G. Jóhannsson auk óperutónlistar eftir G. Bizet, A. Dvorak, W. A. Mozart og G. Verdi.
Aðgangseyrir er kr. 3.500.
Tónlistarhátíðin er styrkt af Samtökum sunnlenskra sveitarfélaga og Tónlistarsjóði.

UM FLYTJENDUR:
Hallveig Rúnarsdóttir hefur sungið fjölmörg óperuhlutverk, flest hjá Íslensku Óperunni en einnig víðar. Þá hefur hún frumflutt tvö óperuhlutverk, Stúlku í óperu Kristians Blak, Ljós í ljóði í Færeyjum og hlutverk Gilitruttar í samnefndri óperu eftir Hildigunni Rúnarsdóttur.
Hún hefur komið fram sem einsöngvari víða um heim og sungið sópranhlutverkið í mörgum helstu stórverkum tónbókmenntanna, komið margoft fram með Sinfóníuhljómsveit Íslands ásamt fjölda annarra hljómsveita.
Hallveig hefur sérstaklega verið virk í flutningi nýrrar tónlistar og hefur frumflutt mörg ný íslensk verk og haldið fjölda einsöngstónleika á Íslandi og erlendis undanfarin ár þar sem hún hefur lagt áherslu á ljóðasöng.
Hallveig hlaut Íslensku tónlistarverðlaunin sem söngkona ársins í sígildri- og samtímatónlist árið 2013 og aftur árið 2018. Auk þess hlaut hún tilnefningu til sömu verðlauna árin 2014, 2016, 2020 og 2022.
Hún var tilnefnd til Grímuverðlauna sem söngvari ársins 2014 og 2017.
Hallveig er listrænn stjórnandi sönghópsins Cantoque Ensemble sem hefur vakið mikla athygli síðustu ár fyrir flutning á upprunatónlist með barokkhljómsveitum auk tónleika með nýrri íslenskri söngtónlist.
Hallveig er formaður Félags íslenskra tónlistarmanna og tók nýverið við stöðu aðstoðarskólastjóra í Söngskóla Sigurðar Demetz þar sem hún kennir einnig söng.

Þorbjörn Rúnarsson tenór hefur sungið alla sína ævi. Hann hefur verið meðlimur í fjölda kóra, Skólakór Garðabæjar, Hljómeyki, Schola Cantorum, Kór Íslensku Óperunnar, Hamrahlíðarkórunum, Háskólakórnum, Mótettukór Hallgrímskirkju, Söngsveitinni Fílharmóníu, Cantoque Ensemble og svo mætti lengi telja. Sumurin 1989-1992 var hann einn af fulltrúum Íslands í Heimskór æskufólks, World Youth Choir, þar sem ungir söngvarar alls staðar að úr heiminum koma saman og syngja.

Þorbjörn hóf söngnám hjá Sigurði Demetz 1992, flutti til Egilsstaða 1995 og nam söng þar hjá W. Keith Reed. Hann tók virkan þátt í tónlistarlífi á Austurlandi, uns hann flutti aftur suður 2013. Meðal annars söng hann í þremur óperuuppfærslum Óperustúdíós Austurlands, Tamínó í Töfraflautunni, Almaviva greifa í Rakaranum í Sevilla og Ferrando í Cosi Fan Tutte. Þorbjörn hefur sungið einsöng í tveimur uppfærslum Íslensku Óperunnar, Almaviva greifa í Rakaranum í Sevilla eftir Rossini , 2002 og Beadle Bamford í Sweeney Todd eftir Sondheim, 2004. Þorbjörn hefur sungið hlutverk guðspjallamannsins í Jóhannesarpassíunni á Egilsstöðum, í Reykjavík og í Færeyjum. Önnur einsöngshlutverk hafa orðið á vegi hans s.s. í Jólaóratoríu Bachs, Messíasi eftir Handel og Requiem eftir Mozart auk ýmissa verka eftir fjölda tónskálda, bæði innlendra og erlendra. Þorbjörn syngur nú með Kór Íslensku Óperunnar, Hljómeyki og Kór Hallgrímskirkju.

Hrönn Þráinsdóttir stundaði framhaldsnám við píanóleik við Staatliche Hochschule für Musik í Freiburg og lauk þaðan diplóma kennaraprófi vorið 2004 og tók meðleik við ljóðasöng sem aukafag. Kennarar hennar voru Dr.Tibor Szász og Hans-Peter Müller.
Að því loknu nam hún við ljóðasöngdeild Tónlistarháskólans í Stuttgart undir handleiðslu Cornelis Witthoefft og lauk sérhæfðu diplómanámi sumarið 2007.
Hrönn hefur komið fram á tónleikum víða sem einleikari, meðleikari og við flutning kammertónlistar auk þess að hafa hljóðritað fyrir útvarp og leikið inn á geisladiska.
Hún hefur verið virk í uppeldisstarfi ungra söngvara, verið tónlistarstjóri uppfærslna síðustu ára hjá óperudeild Söngskólans í Reykjavík þar sem fluttar hafa verið perlur óperubókmenntanna. Hún hefur einnig ferðast víða um land síðustu misseri og kynnt óperutónlist og hið íslenska sönglag fyrir grunnskólabörn í öllum landshlutum.
Hún er einn helsti meðleikari óperusöngvara á Íslandi og hefur verið afar virk í tónleikahaldi á Íslandi.
Hrönn er kennari við Söngskólann í Reykjavík, Söngskóla Sigurðar Demetz og við Menntaskóla í tónlist, MÍT.

,,Með vængjaþyt og söng”

3. júlí kl. 14. 2022

Bryndís Guðjónsdóttir sópran
Ingunn Hildur Hauksdóttir píanó og orgel

Á efnisskránni eru eru íslensk þjóðlög og sönglög eftir
Þórarinn Jónsson, Pál Ísólfsson, Jórunni Viðar, Gunnar Þórðarson og Tryggva M. Baldvinsson
ásamt verkum eftir Pergolesi, Orff, Grieg, Alyabyev, Delibes og Brahms.

Aðgangseyrir er kr. 3.500. Miðasala við innganginn.

Tónlistarhátíðin er styrkt af Samtökum sunnlenskra sveitarfélaga og Tónlistarsjóði.

Um flytjendur:

Bryndís Guðjónsdóttir hlaut fyrsta sæti í Raccardo Zandonai keppninni á Garda árið 2021. Sama ár fór
hún tvívegis með hlutverk Næturdrottningarinnarúr Töfraflautunni eftir Mozart í Reaktorhalle í München
undir stjórn Waltraud Lechner og með Oper im Berg í Salzburg undir stjórn Stefano Seghedoni. Bryndís
hefur komið víða að erlendis og innanlands hefur hún sungið einsöng með Sinfóníuhljómsveit Íslands,
síðast á jólatónleikum þeirra árið 2021 og mun syngja í uppfærslu þeirra í Töfraflautunni árið 2023.
Bryndís útskrifaðist með bakkalár- og meistaragráðu í Opera and Musical Theatre frá Mozarteum
Tónlistarháskólanum í Salzburg þar sem hún lærði hjá Michéle Crider, Gernot Sahler og Alexander von
Pfeil. Þar áður hafði Bryndís lokið framhaldsprófi í söng árið 2015 hjá Önnu Júlíönu Stefándsóttur og
numið eitt ár við Listaháskóla Íslands hjá Þóru Einarsdóttur, Kristni Sigmundssyni og Ólöfu Kolbrúnu
Harðardóttur. Hún var meðal sigurvegara keppninngar Ungir einleikarar árið 2018 og bar sama ár sigur úr
bítum í Duschek keppninni í Prag. Bryndís hefur hlotið styrki hérlendis frá Tónlistarsjóði Rótarý,
Halldórs Hansen, Söngmenntasjóði Marínós Péturssonar, Wagnerfélagi Íslands og Ingjaldssjóði. Árið
2022 söng Bryndís tvívegis Carmina Burana, í Stuttgart undir stjórn Heiko Mathias Förster í Liederhalle í
Stuttgart með Prague Royal Philharmonic og í Norðurljósum í Hörpu undir stjórn Fjólu Kristínar
Nikulásdóttur. Bryndís söng Stabat mater eftir Pergolesi og Nulla in Mundo RV 630 eftir Vivaldi í
Litháen fyrr í sumar.

Ingunn Hildur Hauksdóttir píanóleikari er fædd í Reykjavík árið 1969. Hún stundaði nám hjá Kristínu
Ólafsdóttur við Tónlistarskóla Hafnarfjarðar. Ingunn lauk píanókennara- og einleikaraprófi frá
Tónlistarskólanum í Reykjavík 1993 og naut þar leiðsagnar Jónasar Ingimundarsonar. Ingunn sótti
einkatíma um tveggja ára skeið í London hjá Roger Vignoles. Ingunn hefur sl. 20 ár tekin virkan þátt í
íslensku tónlistarlífi, með áherslu á kammertónlist. Hún hefur gert upptökur fyrir útvarp og geisladiska og
komið fram á tónleikum hérlendis og erlendis, oft með áherslu á kynningu og flutning íslenskrar tónlistar.
Ingunn hefur leikið með ýmsum kammerhópum og m.a. flutt fyrir Kammermúsíkklúbbinn píanókvintetta
og sextetta eftir R. Vaughan Williams, J. N. Hummel, L. Farrenc, F. Schubert og F. Mendelsohn ásamt
frumflutningi íslenskrar tónlistar fyrir tríó eftir Elínu Gunnlaugsdóttur og Báru Grímsdóttur. Ingunn
kennir píanóleik við Tónlistarskóla Garðabæjar og starfar sem meðleikari við Menntaskóla í Tónlist.

,,Englar hæstir”

26. júní 2022 - Tónlistarmessa

Flytjendur tónlistar:
Björg Þórhallsdóttir sópran
Matthías Nardeau óbó
Hilmar Örn Agnarsson harmóníum
Prestur:
sr. Ninna Sif Svavarsdóttir

Tónlistarmessa verður í Strandarkirkju nk. sunnudag kl. 14 á Tónlistarhátíðinni Englar og menn í samvinnu við Strandarkirkju.
,,Englar hæstir" er yfirskrift messunnar en tónlistarflutning annast Björg Þórhallsdóttir sópransöngkona, Matthías Nardeau óbóleikari og við orgelið verður Hilmar Örn Agnarsson organisti. Þau flytja m.a. íslensk sönglög og sálma eftir Árna Thorsteinsson og Þorkel Sigurbjörnsson ásamt tónlist eftir G. Fauré, W. Gomez, J.S. Bach, F. Mendessohn og T. Albinoni.

Aðgangur ókeypis!

,,Í sjöunda himni”

19. júní kl. 16 2022

Sigríður Aðalsteinsdóttir mezzósópran
Helga Bryndís Magnúsdóttir píanó
Guðbjartur Hákonarson fiðla
Hrafnhildur Marta Guðmundsdóttir selló

Tónlistarhátíðin Englar og menn í Strandarkirkju hefst á sunnudaginn kemur, 19. júní með tónleikum kl. 16 (athugið breyttan tíma).

Yfirskrift tónleikanna er ,,Í sjöunda himni" en þar verður flutt skemmtileg dagskrá af íslenskum dægurlögum í útsetningum Þórðar Magnússonar,
íslenskum sönglögum eftir Atla Heimi, Inga T, Sigfús Einarsson o.fl ásamt þekktum erlendum perlum tónbókmenntanna.

Aðgangseyrir kr. 3.500. Tekið er við greiðslukortum. Miðasala er við innganginn.

ATHUGIÐ!

TÓNLEIKUM HÁTÍÐARINNAR 2021 SEM FARA ÁTTU FRAM 8. OG 15. ÁGÚST HEFUR VERIÐ FRESTAÐ UM ÓÁKVEÐINN TÍMA VEGNA HEIMSFARALDURS COVID-19

Sunnudagur 25. júlí 2021
Sunday 25. July at 2 pm
,,Hvíldu hjarta, hvíldu”

,,Hvíldu, hjarta, hvíldu” er yfirskrift næstu tónleika í tónleikaröðinni Englar og menn í Strandarkirkju sem fara fram nk sunnudag 25. júlí kl 14. Á tónleikunum kemur fram Lovísa Elísabet Sigrúnardóttir, betur þekkt sem Lay Low en yfirskrift tónleikanna er ljóðlína úr ljóðinu Aftansöngur eftir Huldu sem verður flutt á tónleikunum. Lat Low til halds og trausts eru Agnes Erna Estherardóttir og Anna Margrét Hraundal. Lovísa hefur komið víða að og verið áberandi í íslensku tónlistarlífi frá því hún kom út með sína fyrstu plötu árið 2006. Agnes er útskrifuð úr Jazzsöngdeild FÍH og Anna Magga (Kolrassa Krókríðandi og Bellatrix) er útskrifuð úr klassískum gítarleik frá Tónskóla Sigursveins.
Flest lögin sem verða spiluð eiga það sameiginlegt að vera samin af konum. Það má því segja að þetta verða tónleikar þar sem kvennröddin og sköpunarflæði fær að fljóta og njóta sín. Lay Low gaf út plötuna Brostinn strengur árið 2011 þar sem hún samdi lög við ljóð eftir aðrar konur. Tilraunakenndur og dreymandi hljóðheimur sem varð til á þeirri plötu fékk lof gagnrýnenda þegar hún kom út. Þær ætla að flytja mikið af þessum lögum í bland við önnur lög eftir aðrar konur.

 Sunnudagur 18. júlí kl. 14

Sunday 18. July at 2 pm  

,,Feginn er ég nóttunni” 

María Sól Ingólfsdóttir sópran

Gunnlaugur Bjarnason baritón

Einar Bjartur Egilsson píanó / harmóníum

Tónlistarhátíðin Englar og menn hefst að nýju eftir árshlé í Strandarkirkju í Selvogi nk sunnudag með tónleikum kl. 14.

Á fyrstu tónleikum sumarsins koma fram sunnlensku einsöngvararnir María Sól Ingólfsdóttir sópran og Gunnlaugur Bjarnason baritón. Einar bjartur Egilsson leikur með þeim á píanó og harmóníum.Á efnisskránni eru íslensk sönglög eftir Jórunni Viðar, Sigfús Halldórsson og Megas ásamt ljóðasöngvum eftir Franz Schubert.

Lögin eiga það sameiginlegt að fjalla um líf fólks, tilfinningar þeirra og hugarheim á einlægan og heillandi máta og tónar vel við kirkjuna og hennar einstöku sögu.

Hátíðin stendur yfir til 15. ágúst og verða tónleikar 25. júlí, 8. og 15. ágúst.

Aðgangseyrir á tónleikana er kr. 3.000 en tónlistarhátíðin er styrkt af Tónlistarsjóði Rannís og Sambandi sunnlenskra sveitarfélaga.

Listrænn stjórnandi hátíðarinnar er sem fyrr Björg Þórhallsdóttir.

María Sól Ingólfsdóttir sópransöngkona er fædd og uppalin á Engi í Laugarási í Biskupstungum.

Hún hefur unnið að fjölbreyttum verkefnum, óperum og hátíðum á sviði klassískrar- og samtímatónlistar seinustu ár. Hún útskrifaðist úr Listaháskóla

Íslands árið 2019, hóf nám í Konunglega tónlistarháskólans í Den Haag í Hollandi en seinasta árið hefur hún sótt einkatíma hjá Janet Haney í London. María Sól trúir því að tónlist sé galdur. María var valin söngvari ársins árið 2021 fyrir hlutverk sitt í óperunni ,,Ekkert er sorglegra en manneskjan" í sviðsetningu Adolfs Smára Unnarsonar og Friðriks Margrétar Guðmundssonar í samstarfi við Tjarnarbíó.

Gunnlaugur Bjarnason baritónsöngvari er uppalinn á Selfossi þar sem hann tók sín fyrstu skref í tónlist við Tónlistarskóla Árnesinga. Hann lauk framhaldsprófi í söng frá Menntaskóla í tónlist árið 2020. Nú leggur hann stund á meistaranám í sama fagi við Konunglega tónlistarháskólann í Den Haag í Hollandi. Í janúar 2022 mun Gunnlaugur leika sitt fyrsta óperuhlutverk í uppsetningu á óperunni Mærþöllu eftir Þórunni Guðmundsdóttur.

Einar Bjartur lærði á píanó í Tónlistarskóla Mývatnssveitar, Tónskóla Sigursveins og síðar í Listaháskóla Íslands undir handleiðslu Peters Máté. Árið 2013 lék hann einleik í píanókonsert eftir F. Poulenc með Sinfóníuhljómsveit Íslands. Eftir Listaháskólann lagði hann stund á framhaldsnám í píanóleik í Hollandi. Samhliða náminu samdi hann tónlist og gaf út hljómplötu með eigin verkum að nafni Heimkoma árið 2016.

Einar hefur spilað með ýmsum tónlistarmönnum bæði hérlendis og í Hollandi. Hann starfar nú sem píanókennari og meðleikari við Tónlistarskóla Árnesinga ásamt því að leika reglulega með kórum og listafólki á tónleikum og sýningum. Hann gaf nýlega út tvær hljómplötur með svissneskum píanóverkum og er um þessar mundir m. a. að vinna við undirbúning óperu, píanó einleiks auk útgáfu á nýrri plötu með eigin tónlist.

Næstu viðburðir tónlistarhátíðarinnar Englar og menn í Strandarkirkju:

Sunnudagur 25. júlí kl. 14

Sunday 25. July at 2 pm

 ,,Hvíldu, hjarta, hvíldu”

Lovísa Elísabet Sigrúnardóttir (Lay Low) söngur og gítar

Agnes Erna Estherardóttir söngur 

Anna Margrét Hraundal gítar

Sunnudagur 8. ágúst kl. 14

Sunday 8. August at 2 pm

,,Í sjöunda himni“

Sigríður Aðalsteinsdóttir mezzósópran 

Bjarni Thor Kristinsson bassi

Helga Bryndís Magnúsdóttir píanó / harmóníum

Sunnudagur 15. ágúst kl. 14

Sunday 15. August at 2 pm 

,,Til Maríu” 

Lokatónleikar og guðsþjónusta á Maríumessu

Final recital and service dedicated to Mother Mary

Björg Þórhallsdóttir sópran

Elísabet Waage harpa

Hilmar Örn Agnarsson harmóníum

Prestur: sr. Ninna Sif Svavarsdóttir

Árlega Tónlistarhátíðin Englar og menn í Strandarkirkju,

sem venjulegar fer fram í júlí og ágúst sumar hvert

er frestað um sinn vegna Covid 19 faraldursins.

Vegna smæðar kirkjunnar og mikillar nándar er ekki talið forsvaranlegt

að svo stöddu að blása þar til tónleika.

Tökum upp þráðinn um leið og færi gefst!

Fylgist með!

Dagskrá 2018

1. júlí ,,Í DROTTINS ÁST OG FRIÐI” 
Fjölbreytt söngdagskrá með einsöngslögum og dúettum eftir Sigvalda Kaldalóns, Emil Thoroddsen, Pétur Sigurðsson, Guðna Franzso, F. Schubert, T. Arne, L.V. Beethoven, Donizetti o.fl.
Björg Þórhallsdóttir sópran
Elmar Gilbertsson tenór
Elísabet Waage harpa
Guðni Franzson klarinett
Hilmar Örn Agnarsson harmóníum

8. júlí ,,LÖG UNGA FÓLKSINS"
Söngdagskrá með íslenskum sönglögum og vögguljóðum ásamt þekktum klassískum trúarverkum úr heimi tónbókmenntanna. 
Sveinn Dúa Hjörleifsson tenór
Bjarni Frímann Bjarnason píanó / orgel

15. júlí ,,HIMNAMÓÐIRIN BJARTA”
Flutt verða verk eftir Atla Heimi Sveinsson, Gunnar Þórðarson, Eyþór Stefánsson, Merikanto, Bach, Verdi, Wagner, Luzzi o.fl. 
Sólrún Bragadóttir sópran
Ágúst Ólafsson baritón
Jón Sigurðsson píanó /orgel

22. júlí ,,HEYR MÍNA BÆN”
Á efnisskránni eru einsöngslög og dúettar, Maríubænir og ýmis verk sem tengjast trú og tilfinningum.
Hanna Þóra Guðbrandsdóttir sópran
Hanna Dóra Sturludóttir mezzósópran
Ástvaldur Traustason orgel / harmonikka

29. júlí ,,SUNNAN YFIR SÆINN BREIÐA”
Tónlistarfeðginin óðkunnu á Eyrarbakka algeir Guðjónsson og Vigdís Vala lytja saman þekkt lög og minna þekkt úr tón- og textasmiðjum sínum. Lög og umfjöllunarefnin spanna breiðan boga, eins og títt er hjá englum og mönnum, þar sem blandast saman andakt, æðruleysi og glaðværð
Vigdís Vala Valgeirsdóttir söngur og gítar
Valgeir Guðjónsson söngur og gítar

5. ágúst ,,KILJAN Í KIRKJUNNI”
Flutt verður dagskrá helguð Halldóri Kiljan Laxness við lög m.a. eftir Jórunni Viðar, Þorkel Sigurbjörnsson og Jón Ásgeirsson. 
Hildigunnur Einarsdóttir mezzósópran
Jón Svavar Jósefsson baritón
Guðrún Dalía Salómonsdóttir orgel og píanó

12. ágúst ,,MARÍUMESSA OG LOKATÓNLEIKAR”
Prestur sr. Baldur Kristjánsson
Björg Þórhallsdóttir sópran
Sigrún Hjálmtýsdóttir sópran
Elísabet Waage harpa
Hilmar Örn Agnarsson harmóníum

Dagskrá 2017

2. júlí  Ljóð & lög
Dísella Lárusdóttir sópran
Gissur Páll Gissurarson tenór
Árni Heiðar Karlsson píanó og orgel
Á opnunartónleikum hátíðarinnar munu flytjendur flétta saman lög og ljóð frá nyrstu oddum til syðstu tanga, allt frá Jóni Ásgeirssyni til Grieg og Verdi.

9. júlí kl. 14 Helgur hljómur
Margrét Hannesdóttir sópran
Aðalsteinn Már Ólafsson tenór
Sólborg Valdemarsdóttir píanó

Helgur hljómur er yfirskrift tónleika þeirra Margrétar, Aðalsteins og Sólborgar en þau munu flytja sönglög og dúetta eftir Pál Ísólfsson Bjarna Þorsteinsson, Sigvalda Kaldalóns, Eyþór Stefánsson, Stradella, Mozart, Durante, Faure o.fl. 

6. júlí kl. 14 Minni eilífðarinnar
Ragnheiður Gröndal söngur og ásláttur
Heloise Pilkington söngur og ásláttur
Guðmundur Pétursson gítar
Gerry Diver fiðla

Tónlistarkonurnar Heloise Pilkington og Ragnheiður Gröndal koma fram á tónleikum hátíðarinnar þann 16. júlí. Á efnisskránni verður ensk og íslensk tónlist, bæði ný og gömul. Tónlist Heloise hefur sterka tengingu við gyðjutrú og eru mörg laga hennar ákall til ýmissa gyðja og eiginleika sem þær búa yfir. Hún á sér einnig bakgrunn í enskri þjóðlaga- og miðaldatónlist. Tónlist Ragnheiðar er í senn hefðbundin og nýstárleg, íslensk og alþjóðleg og er undir áhrifum frá heimstónlist, djassi og poppi. Með þeim á tónleikunum verða þeir Gerry Diver og Guðmundur Pétursson. Gerry Diver er ættaður frá Írlandi en starfar sem virtur upptökustjóri í London og hefur unnið með Tom Robinson, Lisu Knapp og fjölmörgum öðrum. Hann leikur aðallega á fiðlu og hefur djúpar rætur í enskri og keltneskri tónlistarhefð. Guðmundur Pétursson er flestum kunnugur sem einn af helstu gítarleikurum landsins. Hann hefur einnig gefið út eigin tónlist og hlotið Íslensku tónlistarverðlaunin sem tónskáld. 

23. júlí kl. 14 Innsýn
Bylgja Dís Gunnarsdóttir sópran
Margrét Brynjarsdóttir mezzósópran
Lára Bryndís Eggertsdóttir píanó / orgel

Fluttir verða dúettar og einsöngslög úr heimi ljóða- og óperubókmenntanna sem veita innsýn í líf og aðstæður fólks um allan heim á mismundandi tímum.

30. júlí kl. 14 Mitt er þitt
Duo Atlantica:
Guðrún Jóhanna Ólafsdóttir mezzósópran
Francisco Javier Jáuregui gítar

Dúó Atlantica er skipað mezzósópransöngkonunni Guðrúnu Jóhönnu Ólafsdóttur og spænska gítarleikaranum og tónskáldinu Francisco Javier Jáuregui. Þau eru þekkt fyrir að skapa mikla nánd við áhorfendur, innlifun, frumlegt efnisval, heillandi framkomu, tilfinninganæma túlkun og áhugaverðar kynningar, sem færa hlustendur inn í heim hvers lags fyrir sig. Guðrún og Javier komu fyrst fram saman árið 2002 í Guildhall School of Music and Drama í London, þaðan sem þau luku bæði mastersgráðum í tónlist. Síðan þá hafa þau komið reglulega fram í fjölmörgum tónleikasölum og á tónlistarhátíðum víðs vegar í Evrópu, Bandaríkjunum og Afríku. Þau hafa tekið upp þrjá geisladiska: Mitt er þitt – íslensk og spænsk sönglög (12 tónar), English and Scottish Romantic Songs for voice and guitar (EMEC Discos) og Secretos Quiero Descubrir (Abu Records). Upptökur þeirra má einnig heyra á diskunum Inspired by Harpa, Icelandic Folksongs and Other Favorites og Kom skapari. www.duoatlantica.com

Lokatónleikar

13. ágúst kl. 15 Uppskerumessa og tónleikar
Björg Þórhallsdóttir sópran
Elísabet Waage harpa
Hilmar Örn Agnarsson harmóníum
Guðsþjónustu annast sr. Baldur Kristjánsson sóknarprestur

Dagskrá 2016

3. júlí 2016
Sálir okkar mætast
Heloise Pilkington - söngur
Jennifer Bliss Bennett - gamba
Ragnheiður Gröndal - söngur
Guðmundur Pétursson - gítar

10. júlí 2016
Verndarvængur
Björg Þórhallsdóttir - sópran
Einar Clausen - tenór
Chrissie Guðmundsdóttir - fiðla
Ingunn Erla Kristjánsdóttir - selló
Hilmar Örn Agnarsson - orgel

17. júlí 2016
Heyr himna smiður
Kristín Ragnhildur Sigurðardóttir - sópran
Ásgeir Páll Ágústsson - baritón
Arnhildur Valgarðsdóttir - píanó/orgel

24. júlí 2016
Í ljúfum blæ
Þóra Einarsdóttir - sópran
Björn Jónsson - tenór
Svanur Vilbergsson - gítar

31. júlí 2016
Stóðum tvö í túni
Sigríður Ósk Kristjánsdóttir - mezzósópran
Ágúst Ólafsson - baritón
Jón Bjarnason - orgel

Dagskrá 2015

 2. júlí 2015
Rómantík að sumri
Fluttar verða sígildar og rómantískar perlur eftir íslensk og evrópsk tónskáld s.s. Árna Thorsteinsson, Eyþór Stefánsson, Inga T. Lárusson, Sigvalda Kaldalóns, Tryggva M. Baldvinsson, Schubert, Schumann, Mendelssohn, Elgar, Bizet og Chopin.

Björg Þórhallsdóttir sópran
Hrólfur Sæmundsson bariton
Helga Bryndís Magnúsdóttir, harmóníum og orgel

19. júlí 2015
Enn er vor um haf og land
Kristjana Stefáns og Svavar Knútur flytja dagskrá þar sem fara saman lög um fegurð og harma hafs og lands. Fara þar saman sígild íslensk sönglög og frumsamin lög eftir söngvaskáldin. Gleði og sorgir, draumar, trú og þrár Íslendinga sem hafa sótt á miðin og unnað hörðu landi í aldanna rás.

2. ágúst 2015
Þér ég þakka
Tónleikarnir eru tileinkaðir Maríu Guðsmóður og móðurhluterkinu. Þær munu flytja íslensk og erlend ljóð, bænir og aríur sem fjalla um Maríu mey, móðurhlutverkið og vernd eftir innlend og erlend tónskáld. 

Ísabella Leifsdóttir sópran
Margrét Einarsdóttir ,sópran
Þóra Passauer, kontra-alt
Magnúsi Ragnarssyni, orgel

9. ágúst 2015
Baðstofan og kirkjuloftið
Á tónleikunum munu þeir félagar flytja tónlist sem hljómaði í baðstofum torfhúsanna og sveitakirkjum landsins. 

Eyjólfur Eyjólfsson, tenór
Hugi Jónsson, baritón
Kári Allansson, langspil og harmóníum

16. ágúst 2015
Maríu - og uppskerumessa
Björg Þórhallsdottir, sópran
Sigrún Hjálmtýsdóttir, sópran
Elísabet Waage, harpa
Hilmar Örn Agnarsson, orgel

Dagskrá 2014

5. júlí 2014
Ef engill ég væri
Á efnisskránni eru íslensk sönglög eftir Sigvalda Kaldalóns, Sigfús Einarsson, Hallgrím Helgason og samtímatónskáldin okkar þá Daníel Þorsteinsson, Guðna Franzsson og Tryggva M. Baldvinsson ásamt klassískum perlum og dúettum eftir Schubert, Beethoven, Brahms og Webber.

Björg Þórhallsdóttir, sópran
Elísabet Waage, harpa
Hilmar Örn Agnarsson, orgel
Sérstakur gestur: Anna Kristín Þórhallsdóttir, sópran

19. júlí 2014
Blásið þið, vindar!

Feðgarnir Bragi Bergþórsson tenór og Bergþór Pálsson baritón gleðja tónleikagesti með söng sínum þar sem munu hljóma sönglög Inga T. Lárussonar. Meðleikari þeirra verður Þóra Fríða Sæmundsdóttir píanóleikari. 

26. júlí 2014
Heyr mig, lát mig lífið finna
Hluti dagskrár verður tileinkaður 150 ára fæðingarafmæli Einars Benediktssonar ljóðskálds, sem bjó síðustu æviár sín í Herdísarvík í Selvogi. Á dagskrá þeirra eru einnig Kirkjulög Jóns Leifs ásamt tónlist eftir Bach og Suður-Evrópsk tónskáld.

Gunnar Guðbjörnsson, tenór
Helga Bryndís Magnúsdóttir, orgel
 

Dagskrá 2013

14. júlí 2013

Tríó-Suð, skipað þeim Margréti Stefánsdóttur sópransöngkonu, Jóhanni Stefánssyni trompetleikara og Hilmari Erni Agnarssyni organista. Sérlegur gestur tríósins verður Hjörleifur Valsson fiðluleikari.

21. júlí 2013
Á efnisskránni eru verk eftir Bach, Arvo Pärt, Franck, Elgar, Mascagni og Wagner, en í ár eru 200 ár frá fæðingu hans. Einnig verða flutt íslensk sönglög, m.a. verk eftir sunnlensku skáldin og frændurna Sigfús Einarsson og Pál Ísólfsson ásamt fleirum.

Björg Þórhallsdóttir, sópran
Hrólfur Sæmundsson, baritón
Hilmar Örn Agnarsson, harmóníum
Kristín Lárusdóttir, selló

28. júlí 2013
Bára Grímsdóttir tónskáld og þjóðlagasöngkona, ásamt Chris Foster gítarleikara koma fram munu flytja íslensk sálmalög og kvæðalög undir yfirskriftinni ,,Megindrottning manna og engla” og leika m.a. á harmóníum, langspil, gítar og kantele.

4. ágúst 2013
Anna Sigríður Helgadóttir mezzósópran kemur fram og messu annast sr. Kristinn Ágúst Friðfinnsson sóknarprestur á Selfossi. Anna Sigríður og sr. Kristinn munu syngja saman Englamessuna eða Missa de Algelis, áttundu messu. Anna Sigríður mun einnig flytja Maríubænir og söngva tengda englum.

11. ágúst 2013
Benedikt Kristjánsson tenór og Bjarni Frímann Bjarnason, sem leikur á tónleikunum á harmóníum, harmonikku og gítar. Á efnisskrá þeirra eru íslensk sönglög eftir Árna Thorsteinsson, Pál Ísólfsson, Karl O. Runólfsson, Markús Kristjánsson, Sigfús Einarsson og Sigvalda Kaldalóns, 3 lög úr Malarastúlkunni fögru eftir Franz Schubert og aría úr óperunni Don Giovanni eftir W.A Mozart. 
 

18. ágúst 2013
Uppskerumessa hefst kl. 14 þar sem sr. Svavar Stefánsson, sóknarprestur í Fella- og Hólakirkju þjónar, Kór Þorlákskirkju syngur og organisti er Hannes Baldursson. Ungur fiðlusnillingur frá Hveragerði, Hulda Jónsdóttir fiðluleikari mun flytja tónlist frá kl. 13.40 til 14 ásamt því að flytja tónlistaratriði í messunni. Með henni koma einnig fram móðir hennar, Gyða Halldórsdóttir á orgel og bróðir hennar, Ragnar Jónsson á selló.

25. ágúst 2013
Verndi þig englar
Á efnisskrá eru verk eftir stóru meistarana Händel, Bach og Mascagni og íslensk sönglög eftir Sigurð Þórðarson, Sigvalda Kaldalóns, Árna Thorsteinsson og Elísabetu Einarsdóttur,ásamt sunnlensku tónskáldunum Sigfúsi Einarssyni, Páli Ísólfssyni og Siguróla Geirssyni, sem ættaður var úr Selvognum.

Björg Þórhallsdóttir, sópran
Hilmar Örn Agnarsson, orgel
Elísabet Waage, harpa